🧐公私營安老院到底有咩唔同❓

⭕房型🛏️：政府資助院舍係共住嘅房間，而私營院舍可以根據個人喜好及自身條件預算選擇單人房、雙人房或多人房。

⭕收費💰：政府資助院舍按照宿位以及長者領取嘅津貼種類，每月院費由$1,660至$2,060不等；私營院舍則按市場而定，每月費用普遍由$6,500起跳，有需要人士仲可以申請政府資助補貼。

⭕申請程序👨‍💻：長者需要係安老服務統一評估機制獲醫生評估符合輪候資格，先可以進入中央輪候冊輪候政府資助宿位。相反，私營院舍只需要完成簡單嘅身體評估，確認長者無持續嘅暴力傾向，適合群體生活，就可以申請入住。

⭕輪候時間⏲️：政府資助院舍平均輪候時間約3年半。而私營院舍由於宿位數目較多，輪候時間相對較短，最快甚至可以安排即時入住。