🧐幫大BB搵安老院，點先知應該要有咩人手配套❓

😲唔少家人幫老友記搵安老院時都唔知點入手❓

認識安老院舍嘅基本人手同增值人手，家人就可以按照老友記嘅需要搵相應嘅安老院😎。

👩🏻👨🏻基本人手

📌助理員🧹：負責處理安老院日常運作嘅雜務，包括文員、廚師、清潔等等。

📌護理員🛁：協助長者嘅日常生活同個人護理，包括扶抱、沐浴、餵食、換尿片、剪指甲等等，有啲安老院甚至會提供剪髮服務💇🏻‍♀️。

📌保健員🌡：負責照顧長者嘅醫藥需要，包括核對藥物，量血壓、體溫、血糖等生命表徵，洗傷口、腹膜透析等等。

👩🏻👨🏻增值人手

📌護士💉：除咗同保健員一樣嘅工作外，亦可以為院友做「入侵性」嘅護理，例如為院友插入胃喉、尿喉。

📌社工📝：負責院舍嘅行政工作，亦會推行長者需要嘅社交活動同娛樂。

📌物理治療師或助理🦵🏻：透過儀器、徒手同運動等方式，改善長者嘅行動能力，改善院友嘅生活質素。

📌職業治療師或助理🧠：藉著使用「有目的性嘅活動」去治療或協助生理、心理、發展障礙或社會功能上有障礙及需要嘅長者，提升長者生活嘅獨立性。

📌言語治療師或助理👄：透過指引及重複性練習，配合視覺及聽覺輔助，強化長者嘅說話、吞嚥等能力。

📌營養師🍽：幫助長者透過適當嘅日常飲食組合維持及促進健康，發展更好嘅飲食方法。2五5